Bepul dori-darmon ta’minoti deputatlik nazoratida

Xalq deputatlari Termiz tuman Kengashi 7-“Qahramon” saylov okrugi deputati S. Xakimov o‘zi saylangan Qahramon MFY hududidagi 71-sonli oilaviy poliklinika faoliyatini o‘rgandi.

O‘rganish davomida aholiga bepul beriladigan dori-darmon vositalari bilan ta’minlash holati atroflicha ko‘rib chiqildi.

Shuningdek, dori vositalarining mavjudligi, ularni aholiga belgilangan tartibda yetkazib berilishi hamda fuqarolarning murojaatlari asosida ta’minot holatiga e’tibor qaratildi.

O‘rganish yakunlari bo‘yicha aniqlangan masalalarni bartaraf etish va aholiga tibbiy xizmat ko‘rsatish sifatini yanada yaxshilash yuzasidan tegishli tavsiyalar berildi.

Aholi salomatligi va manfaatlarini ta’minlash — deputatlik nazoratining muhim yo‘nalishlaridan biridir.