Xalq deputatlari Jondor tumani Kengashiga 25-Samonchuq saylov okrugidan saylangan deputat B. Dilliyev hamda tuman Kengashi kotibiyati mudiri I. Xolov tomonidan Samonchuq mahallasi hududida kapital ta’mirlanayotgan 3-sonli umumta’lim maktabida amalga oshirilayotgan investitsiya loyihasi o‘rganildi.
⚡️O‘rganish davomida maktab binosida olib borilayotgan kapital ta’mirlash ishlarining borishi, yaratilayotgan sharoitlar, qurilish-montaj ishlarining sifati hamda loyiha doirasida belgilangan vazifalarning ijrosi ko‘zdan kechirildi.
⚡️Mas’ullar bilan muloqotda ta’mirlash ishlarini belgilangan talablar asosida, sifatli va o‘z vaqtida yakunlash, ta’lim muassasasida o‘quvchilar uchun zamonaviy va qulay sharoitlar yaratish muhimligi ta’kidlandi.
⚡️Deputat B. Dilliyev ta’lim sohasiga yo‘naltirilayotgan investitsiyalar kelajak avlod uchun munosib shart-sharoit yaratishda muhim ahamiyat kasb etishini qayd etib, loyihaning samarali amalga oshirilishini deputatlik nazorati doirasida kuzatib borishini bildirdi.