Xalq deputatlari Paxtakor tumani Kengashi deputati M.Xasamiddinov sessiya oldidan 13-maktabning yangi o‘quv yiliga tayyorgarligini ko‘zdan kechirdi.

Tashrif davomida O‘zbekiston Respublikasining 2020-yil 23-sentabrdagi O‘RQ-637-sonli “Ta’lim to‘g‘risida”gi Qonuni ijrosini ta’minlash hamda maktabning 2026/2027-o‘quv yiliga tayyorgarlik holati, o‘quvchilar uchun yaratilayotgan sharoitlar, sinfxonalar va o‘quv jarayoniga oid ishlar batafsil o‘rganildi.

Shuningdek, kuz-qish mavsumiga tayyorgarlik, isitish tizimlarining holati hamda bino va xonalarni mavsumga tayyorlash bo‘yicha olib borilayotgan ishlar ko‘rib chiqildi.

Aniqlangan masalalar yuzasidan mas’ullar bilan fikr almashilib, mavjud kamchiliklarni bartaraf etish bo‘yicha tegishli tavsiyalar berildi.