#_kunlik_ish_reja_ijrosi
#_deputat_faoliyati
#_kotibiyat_xodimi_faoliyati
#_24_ta_tavsiyalar_ijrosi

Fuqarolar murojaatlari — deputat nazoratida

Xalq deputatlari Sariosiyo tumani Kengashiga "7-Tortuli" saylov okrugidan saylangan deputat, tuman Kengashi kotibiyati mudiri M.Ashurov hamda tuman Kengashi kotibiyati bosh mutaxassisi A.Nasriddinov tomonidan «Shabnam» mahallasida istiqomat qiluvchi fuqarolarning murojaatlari o‘rganildi.
O‘rganish jarayonida mahalla hududi ko‘chama-ko‘cha aylanib, aholi bilan yuzma-yuz muloqotlar o‘tkazildi. Fuqarolar tomonidan bildirilgan muammo va takliflar tinglanib, ularni hal etish bo‘yicha zarur tushuntirish va tavsiyalar berildi.

Murojaatlarning asosiy qismi aholini ish bilan ta’minlash, oilaviy tadbirkorlikni yo‘lga qo‘yish va rivojlantirish, shuningdek, tomorqa yer maydonlaridan samarali va unumli foydalanish masalalariga taalluqli bo‘ldi.
Murojaatchilarga mavjud imkoniyatlar, imtiyoz va qo‘llab-quvvatlash mexanizmlari haqida atroflicha ma’lumotlar berilib, ayrim masalalar yuzasidan mas’ul tashkilotlar bilan hamkorlikda amaliy choralar ko‘rish belgilandi.
Deputatlik nazoratining bunday shakli aholi bilan bevosita muloqotni kuchaytirish, fuqarolarni qiynayotgan muammolarni joyida aniqlash va ularning qonuniy manfaatlarini ta’minlashda muhim ahamiyat kasb etadi.
Aholi murojaatlarini o‘rganish va ularning ijobiy yechimini ta’minlash borasidagi ishlar izchil davom ettiriladi.