Xalq deputatlari tuman Kengashi deputati tomonidan saylov okrugiga qarashli hududlarda olib borilayotgan obodonlashtirish va ko‘kalamzorlashtirish ishlari o‘rganildi.

O‘rganish davomida mahallalarda hududlarni sanitariya jihatdan toza saqlash, ichki ko‘chalarni tartibga keltirish, ariqlar va yo‘l bo‘ylarini obodonlashtirish, yashil hududlarni kengaytirish hamda aholi uchun qulay va zamonaviy shart-sharoitlar yaratish borasida amalga oshirilayotgan ishlar ko‘zdan kechirildi.

Shuningdek, hududlarda olib borilayotgan tozalash va obodonlashtirish tadbirlarining samaradorligi, mavjud muammolar hamda ularni bartaraf etish bo‘yicha amalga oshirilishi lozim bo‘lgan chora-tadbirlar muhokama qilindi. Xususan, jamoat joylari, ichki ko‘chalar va aholi gavjum hududlarda tartib-intizomni yanada yaxshilash, obodonlashtirish ishlarini tizimli tashkil etish yuzasidan taklif va tavsiyalar bildirildi.

O‘rganish yakunlari bo‘yicha aniqlangan kamchiliklarni bartaraf etish, hududlarning ozodaligi va obodonligini ta’minlash, ko‘kalamzorlashtirish ishlarini yanada jadallashtirish yuzasidan mas’ullarga tegishli ko‘rsatma va tavsiyalar berildi.

Deputatlik nazorati doirasida hududlarni obod va farovon qilish, aholi uchun munosib yashash sharoitlarini yaratishga qaratilgan ishlar izchil davom ettiriladi.