O‘zbekiston Respublikasi davlat mustaqilligining 35 yilligi munosabati bilan mahalla yettiligi hamda Xalq deputatlari Zomin tuman Kengashi deputati I.Kucharov ishtirokida hududda obodonlashtirish va ko‘kalamzorlashtirish ishlari tashkil etildi.

Tadbir doirasida mahalla hududidagi ichki ko‘chalar, jamoat joylari hamda ijtimoiy soha obyektlari atrofi tartibga keltirilib, hududlarning sanitariya holatini yaxshilash, yashil hududlarni kengaytirish, daraxt va gul ko‘chatlarini parvarishlash bo‘yicha amaliy ishlar olib borildi.

Shuningdek, obodonlashtirish jarayonlarida fuqarolar bilan hamkorlikda ishlar tashkil etilib, mahallalarda tozalik va tartibni saqlash, atrof-muhitga e’tiborli munosabatda bo‘lish, ekologik madaniyatni oshirish hamda hududlarni yanada obod maskanga aylantirish borasida tushuntirish ishlari olib borildi.