Xalıq deputatları Bozataw rayonlıq Keńesi sekretariatınıń baslıǵı A. Ibragimov, turaqlı komissiya baslıqları hám aǵzalarınıń qatnasıwında turaqlı komissiya májilisi bolıp ótti.
Májiliste rayonlıq Keńestiń qabıl etken qararlarınıń orınlanıw jaǵdayı, olardıń nátiyjeliligi hám belgilep berilgen wazıypalardıń ámelge asırılıwı menen birge, aldaǵı sessiyanıń kún tártibine kirgiziletuǵın máseleler keńnen talqılandı.
Dodalaw procesinde hár bir másele boyınsha tiyisli pikirler bildirilip, deputatlar tárepinen usınıslar berildi. Sessiyaǵa kirgiziletuǵın máselelerdi puqta úyreniw, olardıń ámeliy áhmiyetine ayrıqsha itibar beriw hám puqaralardıń múrájatları menen baylanıslı máselelerdi sheshiwde nátiyjelilikti arttırıw zárúr ekenligi atap ótilip, tiyisli pikir alısıwlar boldı.
Sonıń menen birge, turaqlı komissiyalardıń aldaǵı dáwirdegi jumısların jáne de jetilistiriw, deputatlıq qadaǵalawdı kúsheytiw hám Keńes qararlarınıń orınlanıwın úzliksiz úyrenip barıw boyınsha pikirler bildirildi.
Májilis juwmaǵında dodalanǵan máseleler boyınsha tiyisli usınıslar esapqa alınıp, aldaǵı jumıslardı sapalı hám nátiyjeli shólkemlestiriwge baǵdarlanǵan wazıypalar belgilep alındı.