Xalq deputatlari Buxoro viloyati Kengashi deputati L. Ergasheva hamda Jondor tumani Kengashi kotibiyati mudiri I. Xolovlar hamkorligida O‘zbekiston Respublikasi Prezidentining 15.01.2026 yildagi “Kitobxonlik madaniyatini rivojlantirish va aholi o‘rtasida kitob o‘qishga qiziqishni oshirish chora-tadbirlari to‘g‘risida”gi PQ-9-sonli Qarorining tumanda ijrosini ta’minlash maqsadida Aleli mahallasi hududidagi 30-umumiy o‘rta ta’lim maktabida o‘quv yiliga tayyorgarlik jarayonlari o‘rganildi.
📌O‘rganish davomida maktabning yangi o‘quv yiliga tayyorgarlik holati, o‘quv xonalari va mavjud shart-sharoitlar, ta’lim jarayonini samarali tashkil etish borasida amalga oshirilayotgan ishlar ko‘zdan kechirildi. Maktabda o‘quvchilar uchun munosib ta’lim muhiti yaratish, mavjud kamchiliklarni bartaraf etish hamda ta’lim sifatini oshirish masalalariga alohida e’tibor qaratildi.
📌Shuningdek, maktab kutubxonasining faoliyati bilan tanishilib, undagi adabiyotlar fondi, o‘quvchilarning kitobxonlikka bo‘lgan qiziqishini oshirish, badiiy va ilmiy adabiyotlardan samarali foydalanish imkoniyatlari o‘rganildi.
📌Mas’ullarga maktabning o‘quv yiliga puxta tayyorgarligini ta’minlash, ta’lim-tarbiya uchun yaratilgan shart-sharoitlarni yanada yaxshilash hamda kutubxona faoliyatini rivojlantirish bo‘yicha tegishli tavsiyalar berildi.
📌Bunday o‘rganishlar ta’lim muassasalaridagi mavjud muammolarni aniqlash va ularni o‘z vaqtida hal etish, o‘quvchilar uchun yanada qulay va sifatli ta’lim muhitini yaratishga xizmat qiladi.