Xalq deputatlari Jondor tumani Kengashi deputati I. Xolov tomonidan O‘zbekiston Respublikasining 2024-yil 7-avgustdagi “Elektr energetikasi to‘g‘risida”gi O‘RQ-939-sonli Qonunining tumandagi ijrosi yuzasidan navbatdagi o‘rganish olib borildi.

🌏O‘rganish davomida Dovud MFY hududidagi Dovud qishlog‘ida elektr energiyasi ta’minotining barqarorligini ta’minlash bilan bog‘liq muammolar, xususan, mavjud elektr transformatorining eskirgani va uni zamonaviy, quvvati yuqori yangi transformatorga almashtirish zarurati aniqlandi.

🌏Mazkur masala yuzasidan deputat I. Xolov tomonidan tuman elektr ta’minoti korxonasi direktori O. Usmonov nomiga deputat so‘rovi yuborildi. So‘rovda Dovud qishlog‘idagi elektr transformatorini yangisiga almashtirish, aholini sifatli va barqaror elektr energiyasi bilan ta’minlash bo‘yicha amaliy choralar ko‘rish so‘raldi.

🌏Deputat tomonidan hududlarda elektr ta’minoti bilan bog‘liq muammolarni o‘z vaqtida aniqlash, ularning qonuniy va amaliy yechimini ta’minlash hamda fuqarolar murojaatlariga e’tibor qaratish borasidagi ishlar izchil davom ettirilmoqda.