Xalq deputatlari Olmaliq shahar Kengashi deputatining hududlardagi o‘rganishlari davom etmoqda.
Bugun Xalq deputatlari shahar Kengashi 3-okrug deputati Zafar Adilov tomonidan "Furqat" mahallasida yoshlar yetakchisining faoliyati hamda mahalla yoshlari hayoti, ularga yaratilgan sharoitlar atroflicha o‘rganildi.

Mazkur o‘rganish jarayoniga mas’ul xodim Muhriddin Begmatov ham hamrohlik qilib, hududdagi yoshlar bilan ishlash tizimining samaradorligini tahlil etishda ishtirok etdi.
O‘rganish davomida:
"Yoshlar daftari" shakllantirilishi va undagi yoshlarga ko‘rsatilayotgan ko‘maklar holati;
Navqiron avlod vakillarining bandligini ta’minlash va ularni tadbirkorlikka jalb etish choralari;
Mahallada yoshlarning bo‘sh vaqtlarini mazmunli tashkil etish, sport va madaniyat tadbirlarining sifati.
Zafar Adilov, xalq deputatlari shahar Kengashi deputati:
"Mahalladagi yoshlar yetakchisi — davlat va yoshlar o‘rtasidagi ko‘prikdir. Furqat mahallasidagi har bir yosh yigit-qizning muammosi, qiziqishi va intilishi bizning doimiy e’tiborimizda bo‘ladi. Maqsadimiz — har bir yoshning jamiyatda o‘z o‘rnini topishiga ko‘maklashishdir."

Yakunda mahallada yoshlar siyosatini yangi bosqichga olib chiqish, aniqlangan kamchiliklarni bartaraf etish yuzasidan mas’ullarga tegishli tavsiyalar berildi va ijrosi nazoratga olindi.