Xalq deputatlari Tuproqqal’a tumani Kengashining Korrupsiyaga qarshi kurashish va xavfsizlik masalalari bo‘yicha doimiy komissiyasi yig‘ilishida tuman hokimligida 2026-yil 1-yarim yilligida jismoniy va yuridik shaxslarning murojaatlari bilan ishlash hamda ijro intizomi holati muhokama qilindi.

📊 Hisobotga ko‘ra, edo.ijro.gov.uz tizimi orqali tuman hokimligiga 4 358 ta hujjat kelib tushgan. Shundan 3 912 tasi ijro etilgan, 345 tasi ish jarayonida, 980 tasi (22%) esa belgilangan muddatdan kech bajarilgan. Shuningdek, yilning birinchi yarmida hokimlikka 397 ta murojaat kelib tushib, murojaatlar soni o‘tgan yilga nisbatan 13 foizga kamaygan.

⚖️ Muhokama yakunida murojaatlarni qonunchilik talablari asosida o‘z vaqtida ko‘rib chiqish, ijro intizomini kuchaytirish, mas’ul xodimlar javobgarligini oshirish hamda qonun talablarini buzgan mansabdor shaxslarga nisbatan qat’iy choralar ko‘rish yuzasidan tegishli vazifalar belgilandi.