Xalq deputatlari Sardoba tumani Kengashi kotibiyati bosh mutaxassisi L.Toshquvvatov hamda tuman deputati N. Xamidova tamonidan Xalqaobod mahallasi hududidagi maishiy chiqindilarni to‘plash va olib chiqish holati joyiga chiqqan holda o‘rganildi.
O‘rganishlar davomida mahalladagi ayrim chiqindi to‘plash nuqtalarida maishiy chiqindilar belgilangan muddatlarda olib ketilmayotganligi, bu esa sanitariya holatiga salbiy ta’sir ko‘rsatayotganligi aniqlandi.
Aniqlangan kamchiliklar yuzasidan mas’ul tashkilotlarga chiqindilarni o‘z vaqtida olib chiqish, hududlarni sanitariya jihatidan talab darajasida saqlash hamda aholi uchun toza va obod muhitni ta’minlash bo‘yicha tegishli choralar ko‘rish zarurligi ta’kidlandi.
Bu kabi o‘rganishlar aholi murojaatlarini o‘z vaqtida hal etish, hududlarda sanitariya-ekologik holatni yaxshilash hamda davlat va jamoatchilik nazorati samaradorligini oshirishga xizmat qiladi.