Deputat hududdagi obodonlashtirish ishlari bilan tanishdi.

Xalq deputatlari tuman Kengashi deputati M. Karimova o‘z saylov okrugida bo‘lib, mahalla ko‘chalari, aholi yashash hududlaridagi tozalik va obodonlashtirish ishlari holatini o‘rgandi.

Tashrif davomida O‘zbekiston Respublikasi Mustaqilligining 35 yilligi munosabati bilan mahalla va qishloqlarda olib borilayotgan obodonlashtirish, ko‘chalarni ozoda saqlash, yashil hududlarni kengaytirish hamda aholi ishtirokida amalga oshirilayotgan bunyodkorlik ishlari bilan yaqindan tanishildi.

Shuningdek, fuqarolarga Vazirlar Mahkamasining 2021-yil 5-apreldagi 183-son qarori mazmun-mohiyati yuzasidan tushuntirishlar berildi. Xususan, kambag‘al va ishsiz fuqarolarni kasb-hunarga o‘qitish tizimini takomillashtirish, ularning bandligini ta’minlash, mehnat organlari faoliyati samaradorligini oshirish batafsil tushuntirildi.