Xalq deputatlari Marg‘ilon shahar Kengashi deputati, Xalq deputatlari Marg‘ilon shahar Kengashining Agrar, suv xo‘jaligi va ekologiya masalalari bo‘yicha doimiy komissiyasi a'zosi B.Obidov hamda Kengash kotibiyatining bosh mutaxassisi N.Akbarova tomonidan 8-Maorif saylov okrugida O‘zbekiston Respublikasi Prezidentining PQ-406-son qarori, Senat Kengashining KQ-35-V-son qarori ijrosini ta’minlash hamda mahalliy Kengash deputati faoliyatining eng muhim yo‘nalishlari bo‘yicha belgilangan 24 ta tavsiya asosida hududda o‘rganish ishlari olib borildi.

O‘rganishlar davomida Maorif mahallasining Chorbog‘ va Ochiq hovuz ko‘chalari aholisi bilan uchrashuv o‘tkazildi. Xususan, mazkur ko‘chalar ko‘chaboshisi Baxtiyorjon G‘ulomovich Hoshimov bilan suhbatlashilib, hududdagi mavjud muammolar va infratuzilma ehtiyojlari muhokama qilindi.

Suhbat davomida hudud aholisini sifatli elektr energiyasi bilan ta’minlash maqsadida 1 ta transformator punkti (TP) hamda 80 dona beton elektr uzatish ustuni o‘rnatishga ehtiyoj mavjudligi bildirildi.

Aniqlangan masalalar yuzasidan tegishli tashkilotlar bilan hamkorlikda zarur choralarni ko‘rish, mavjud muammolarni bosqichma-bosqich bartaraf etish hamda hudud infratuzilmasini yaxshilash bo‘yicha tegishli takliflar shakllantirildi. O‘rganish davomida ko‘tarilgan mazkur masala deputat tomonidan "Ko‘cha aylanish daftari"ga belgilangan tartibda qayd etildi hamda ijrosini ta’minlash yuzasidan tegishli choralar ko‘rish uchun deputat nazoratiga olindi.