Nazorat-tahlil tadbiridan so‘ng, xalq deputatlari Termiz shahar Kengashi kotibiyati mudiri, deputat A.Ashurov hamda kotibiyat bosh mutaxassisi A.Temirov Kengashning 20-“Eskishahar” saylov okrugi deputati Sh.Lolayev okrugiga qarashli “Eskishahar” mahallasida olib borilayotgan obodonlashtirish ishlari bilan tanishdilar.

O‘rganish davomida mahalla hududining sanitariya va obodonlik holati, ko‘chalarni tartibga keltirish, hududlarni tozalash, yashil maydonlarni saqlash hamda aholi uchun qulay va shinam muhit yaratish borasida amalga oshirilayotgan ishlar ko‘zdan kechirildi.

Shuningdek, hududda obodonlashtirish ishlarini yanada jadallashtirish, mavjud kamchiliklarni bartaraf etish va mahallaning ko‘rkamligini oshirish bo‘yicha mas’ullar bilan fikr almashildi.

Mahallalarda olib borilayotgan bunday o‘rganishlar nafaqat mavjud holatni tahlil qilish, balki aniqlangan masalalarni tegishli tashkilotlar bilan hamkorlikda hal etish, aholi uchun munosib yashash sharoitlarini yaratish va hududlar obodligini ta’minlashga qaratilgan.