💬O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-sonli qarori ijrosini ta’minlash maqsadida, mahalliy Kengash deputatlarining faoliyatini yanada kuchaytirish, hududlarda mavjud muammolarni joyiga chiqqan holda o‘rganish va ularni bartaraf etish yuzasidan amaliy choralar ko‘rishga alohida e’tibor qaratilmoqda.

💬Shu maqsadda Xalq deputatlari Termiz shahar Kengashining 12-“Saxovat” saylov okrugi deputati X.Jurayev hamda Kengash kotibiyati bosh mutaxassisi R.Mamashukurov “Saxovat” mahallasida bo‘lib, hududdagi mavjud holatni joyiga chiqqan holda o‘rgandilar.

💬Mazkur nazorat-tahlil tadbiri mahalliy Kengash deputatlari faoliyatining eng muhim 24 ta yo‘nalishi doirasida tashkil etildi.

🟢O‘rganish davomida mahalla hududidagi ichki yo‘llarning holati, simyog‘ochlar va elektr infratuzilmasining holati, ko‘chalar va hududning umumiy obodonlashtirish holati ko‘zdan kechirildi.

🟢Xususan, Chilonzor, Ixtifor, Fayoztepa hamda Diyor ko‘chalari bo‘ylab o‘rganishlar olib borilib, mavjud muammolar va e’tibor talab qiladigan masalalar joyida tahlil qilindi.

🟢O‘rganish davomida aniqlangan muammolar deputatning murojaat daftariga qayd etildi. Mazkur masalalarni tegishli mas’ul tashkilotlar bilan hamkorlikda ko‘rib chiqish, ularning yechimini ta’minlash hamda ijrosini nazoratga olish bo‘yicha tegishli choralar belgilandi.

🫥Bunday nazorat-tahlil tadbirlari hududdagi muammolarni joyida aniqlash, ularni tizimli ravishda qayd etish va fuqarolar manfaatlarini ta’minlashga qaratilgan amaliy deputatlik nazoratining muhim yo‘nalishlaridan biridir.