Xalq deputatlari Pastdarg‘om tumani Kengashining tegishli doimiy komissiyasi tomonidan biriktirilgan tashkilotlar bilan hamkorlikni mustahkamlash, sohada amalga oshirilayotgan ishlar, mavjud masalalarni o‘rganishga e’tibor qaratilmoqda.

Shu maqsadda doimiy komissiya a’zosi, deputat A. Abdumurodov tuman Kadastr palatasida bo‘lib, muassasa faoliyati, fuqarolarga ko‘rsatilayotgan kadastr xizmatlari, murojaatlar ijrosi, sohadagi dolzarb masalalar yuzasidan mas’ullar bilan muloqot qildi.

Uchrashuvda aholiga davlat xizmatlarini sifatli va o‘z vaqtida ko‘rsatish, murojaatni qonunchilik asosida hal etish, hamkorlikni kuchaytirish masalalari muhokama qilindi.

Doimiy komissiya va biriktirilgan tashkilotlar o‘rtasidagi bunday hamkorlik hududdagi muammolarni o‘z vaqtida aniqlash, ularning yechimiga ko‘maklashish, fuqarolar manfaatlarini ta’minlashga xizmat qiladi.