Xalq deputatlari Pastdarg‘om tumani Kengashi doimiy komissiyasi tomonidan O‘zbekiston Respublikasining “Tomorqa xo‘jaligi to‘g‘risida”gi Qonuni ijrosi holatini o‘rganish ishlari olib borilmoqda.

Mazkur o‘rganishda fuqaro shaxsiy tomorqa yer uchastkalaridan foydalanishi, qishloq xo‘jaligi mahsulotini yetishtirish va qayta ishlash holati, tomorqa orqali aholi bandligini ta’minlash daromadlarini oshirish bo‘yicha amalga oshirilayotgan ishlar ko‘zdan kechirilmoqda.

Deputatlar tomonidan mahallalarda tomorqa yerlaridan foydalanish holati, sug‘orish tizimlari, ekinlarni parvarishlash, issiqxonalar tashkil etilishi, chorvachilik va boshqa yo‘nalishlarda olib borilayotgan faoliyat o‘rganilib, fuqarolar bilan suhbatlar o‘tkazilmoqda.