Xalq deputatlari Pastdarg‘om tumani Kengashi kotibiyati faoliyati Kotibiyat to‘g‘risidagi Nizomning 3-bobi, 16-bandida belgilangan vazifalar asosida tashkil etilgan.

Unga ko‘ra, kotibiyat mahalliy Kengash faoliyatini tashkiliy, huquqiy, axborot-tahliliy va boshqa yo‘nalishlarda ta’minlaydi, deputatlarga o‘z vakolatlarini samarali amalga oshirishda ko‘maklashadi hamda ularni zarur huquqiy va axborot materiallari bilan ta’minlaydi.

Shu maqsadda Xalq deputatlari Pastdarg‘om tumani Kengashi kotibiyati tomonidan deputatlar bilan doimiy aloqalar yo‘lga qo‘yilgan.

Deputatlarning faoliyatini samarali tashkil etish, hududlardagi o‘rganish ishlarini muvofiqlashtirish, zarur ma’lumotlar bilan ta’minlash hamda aniqlangan masalalarni tizimli tahlil qilish bo‘yicha muntazam hamkorlik olib borilmoqda.