👥Xalq deputatlari Rishton tuman Kengashi deputati B.G‘afforov hamda tuman Kengashi kotibiyati bosh mutaxassisi S.Boboyev tomonidan Anhorbo‘yi mahalla fuqarolar yig‘inining Turon ko‘chasida manzilli o‘rganish ishlari olib borildi.

✅O‘rganish davomida deputat ko‘chaboshi E.Hakimov bilan suhbat o‘tkazib, Turon ko‘chasida mavjud muammolar hamda aholini qiynayotgan masalalar yuzasidan fikr va takliflarni o‘rgandi.

✅Shuningdek, O‘zbekiston Respublikasi Vazirlar Mahkamasining 2024-yil 11-oktyabrdagi 665-son qarori hamda Xalq deputatlari Rishton tumani Kengashining 2026-yil 24-apreldagi VII-20-25-11-158-K/26-sonli qarori ijrosi doirasida tasdiqlangan manzilli ro‘yxatga muvofiq, Rishton tuman Obodonlashtirish boshqarmasi tomonidan Anhorbo‘yi mahalla fuqarolar yig‘inining Turon ko‘chasida ichki yo‘llarni saqlash va joriy ta’mirlash ishlari olib borilayotgani aniqlandi.

✅Mazkur loyiha doirasida Turon ko‘chasining 700 metr qismiga asfalt qoplamasi yotqizish ishlari boshlangan bo‘lib, qurilish-ta’mirlash ishlari belgilangan reja asosida davom ettirilmoqda.