Xalq deputatlari Rishton tuman Kengashi deputati B.Ermatov, Kengash kotibiyati mudiri A. Sobirov hamda Yoshlar maslahat guruhi aʼzosi A. Tursunovlar tomonidan 21-Beshkapa saylov okrugidagi "Saroy" MFY hududida bo‘lib, ijtimoiy soha obyektlari faoliyatini o‘rgandi.

🪩O‘rganish davomida mahallada joylashgan 64-sonli umumiy o‘rta ta’lim maktabining yangi 2026–2027 o‘quv yiliga tayyorgarlik holati ko‘zdan kechirildi.

👨‍💻O‘rganish ishlari MFY raisi M. Mamathalilov, maktab direktori va maʼsul hodimlari ishtrokida olib borildi.

⌛️O‘rganish jarayonida maktabda olib borilayotgan obodonlashtirish ishlari, o‘quv xonalarini ta’mirlash, shuningdek kuz-qish mavsumiga tayyorgarlik doirasida amalga oshirilayotgan ishlar bilan tanishildi. Mas’ullar tomonidan mazkur ishlar belgilangan reja asosida izchil davom ettirilayotgani qayd etildi.

🔹Shu bilan birga, muassasada mavjud ayrim muammolar ham atroflicha o‘rganildi. Xususan, Maktabga kirish yo'laklari va hovli qismini asfaltlashtirish zarurligi hamda Maktab binosining ko'cha qismini temir panjara bilan to'sish zarurligi ta’kidlandi.

🔹O‘rganish yakunida aniqlangan muammolarni deputat yon daftariga qayd qilinib, tegishli tashkilotlar bilan hamkorlikda amaliy chora-tadbirlarni belgilash, masalaga yechim topish hamda uning ijrosini nazoratga olish bo‘yicha tegishli vazifalar belgilab olindi.