🔰 Xalq deputatlari Zangiota tumani Kengashining 25-saylov okrugi deputati M.Nazarov tomonidan "Yangi O‘zbekiston qiyofasidagi mahalla" maqomi berilayotgan hududlarda "Taraqqiyot va yetakchilik maskani" dasturi doirasida amalga oshirilayotgan loyihalar yuzasidan o‘rganish ishlari olib borildi.

🔰Jumladan, Zangiota tumani "To‘qimachi" MFY hududida 2026-yil Davlat budjetida nazarda tutilgan mablag‘lar hisobidan amalga oshirilishi rejalashtirilgan infratuzilma loyihalari ko‘zdan kechirildi.

🔰O‘rganish davomida aholi punkti ko‘chalarini ta’mirlash, lotoklar barpo etish, piyodalar yo‘laklarini qurish hamda hudud infratuzilmasini yanada yaxshilash bo‘yicha olib boriladigan ishlar joyiga chiqib o‘rganildi.

✅ Deputat tomonidan mazkur loyihalarning sifatli va belgilangan muddatlarda amalga oshirilishi yuzasidan tegishli mas’ullarga tavsiyalar berildi hamda masala deputat nazoratiga olindi.