🏫 Inklyuziv ta’lim joriy etilgan maktablarda amalga oshirilgan ishlar o‘rganildi

Belgilangan reja-grafikka muvofiq, Xalq deputatlari Navoiy shahar Kengashi deputati Azimov Amir Abralovich xizmat safarida bo‘lganligi munosabati bilan, Navoiy shahar Kengashi kotibiyati bosh mutaxassislari Diyorbek Toyirov va Muborak Astanova tomonidan Navoiy shahar
Maktabgacha va maktab ta’limi bo‘limi tasarrufidagi inklyuziv ta’lim joriy etilgan umumiy o‘rta ta’lim maktablarida 2025–2026-o‘quv yilida amalga oshirilgan ishlar yuzasidan o‘rganish olib borildi.

🔍 O‘rganish davomida inklyuziv ta’limni tashkil etish, alohida ta’lim ehtiyojiga ega o‘quvchilar uchun yaratilgan shart-sharoitlar, ta’lim sifati hamda sohaga oid qonunchilik hujjatlari ijrosi tahlil qilindi.

⚖️ Mazkur o‘rganish O‘zbekiston Respublikasining 2020-yil 23-sentabrdagi “Ta’lim to‘g‘risida”gi O‘RQ-637-son Qonuni talablariga muvofiq amalga oshirildi. Ushbu Qonunda har bir shaxsning ta’lim olish huquqi, inklyuziv ta’limni tashkil etish, ta’limda teng imkoniyatlarni yaratish hamda alohida ta’lim ehtiyojiga ega bolalar uchun zarur shart-sharoitlarni ta’minlash ustuvor vazifa sifatida belgilangan.

✅ O‘rganish yakunlari bo‘yicha inklyuziv ta’lim sifatini yanada oshirish, mavjud kamchiliklarni bartaraf etish va qonunchilik talablarining to‘liq ijrosini ta’minlash yuzasidan tegishli tavsiya va takliflar berildi.