📌 YOSHLARGA OID DAVLAT SIYOSATI TO‘G‘RISIDAGI QONUN IJROSI O‘RGANILDI

Xalq deputatlari Qo‘shko‘pir tuman Kengashi kotibiyati bosh mutaxassisi Sarabibi Matyaqubova hamda tuman Kengashi deputati Bekzod Jabborov Shixmashhad mahallasida bo‘lib, mahalla yoshlar yetakchisi Ma’murjon Jasurbek o‘g‘li Farhadovning faoliyatini joyiga chiqib o‘rgandi.
O‘rganish jarayonida O‘zbekiston Respublikasining 2016-yil 14-sentabrdagi O‘RQ–406-son “Yoshlarga oid davlat siyosati to‘g‘risida”gi Qonuni ijrosi, yoshlar bilan ishlash tizimi samaradorligi, ularning bandligini ta’minlash, bo‘sh vaqtini mazmunli tashkil etish, iqtidor va tashabbuslarini qo‘llab-quvvatlash borasida amalga oshirilayotgan ishlar atroflicha tahlil qilindi.
Shuningdek, yoshlar yetakchisi tomonidan olib borilayotgan faoliyat, mahalladagi yoshlarning muammolarini o‘rganish va ularga amaliy yechim topish, davlat dasturlari hamda ijtimoiy loyihalar ijrosini ta’minlash yuzasidan amalga oshirilayotgan ishlar yuzasidan fikr almashildi.