Xalq deputatlari Bo‘stonliq tumani Kengashining 2026-yilga mo‘ljallangan ish rejasiga muvofiq O‘zbekiston Liberal demokratik partiyasidan saylangan deputat D.Bimurzayev tumanning “Qoramanas” mahallasiga biriktirilgan hokim yordamchisi A.Saydaliyev faoliyati, aholi bandligini ta’minlash hamda kambag‘allikni qisqartirish borasida amalga oshirilayotgan ishlarni joyiga chiqqan holda o‘rgandi.

O‘rganish davomida mahallada mehnatga layoqatli, ishsiz va doimiy daromad manbaiga ega bo‘lmagan fuqarolarni aniqlash, ularni kasb-hunarga o‘qitish, bo‘sh ish o‘rinlariga yo‘naltirish, o‘zini o‘zi band qilish va tadbirkorlikka jalb etish yuzasidan amalga oshirilayotgan ishlar tahlil qilindi.

Shuningdek, hokim yordamchisi tomonidan ehtiyojmand oilalarning ijtimoiy-iqtisodiy holati o‘rganilib, ularning daromad manbalarini oshirish, tomorqa yerlaridan samarali foydalanish, imtiyozli kreditlar ajratish, subsidiyalardan foydalanish imkoniyatlarini kengaytirish hamda kichik biznes va oilaviy tadbirkorlikni rivojlantirish bo‘yicha amalga oshirilayotgan ishlar ko‘rib chiqildi.

Shu bilan birga, mahallada amalga oshirilayotgan loyihalarning samaradorligi, yaratilgan yangi ish o‘rinlari, tadbirkorlik subyektlarini qo‘llab-quvvatlash hamda aholi daromadlarini oshirishga qaratilgan dasturlar ijrosi ham muhokama qilindi.