Xalq deputatlari Boyovut tumani Kengashi deputati G.Qarshiboyeva tomonidan Gulbog‘ va Iftixor mahallalari saylovchilariga 2026-yil 2-chorak yakunlari bo‘yicha amalga oshirilgan faoliyat yuzasidan axborot berildi.

🤝 Uchrashuvda Kengash kotibiyati mudiri X.Berdiyarova, mahalla yettiligi a’zolari hamda fuqarolar ishtirok etdi.

📊 Muloqot davomida deputat tomonidan saylov okrugida amalga oshirilgan ishlar, fuqarolar murojaatlari asosida ko‘rilgan choralar va hududdagi dolzarb masalalar yuzasidan ma’lumot berildi.

⚠️ Uchrashuv davomida fuqarolar tomonidan quyidagi muammolar bildirildi:

🟠 Birinchi muammo: Bahoriston ko‘chasida maishiy chiqindilar o‘z vaqtida olib ketilmayotgani, natijada hududda tozalik bilan bog‘liq noqulayliklar yuzaga kelayotgani qayd etildi.

🟠 Ikkinchi muammo: 18-sonli umumiy o‘rta ta’lim maktabi oshxonasida zarur oshxona mebellari yetishmasligi bildirildi. Mazkur masala yuzasidan amaliy yordam ko‘rsatish va zarur jihozlar bilan ta’minlash bo‘yicha ishlar olib borilishi belgilandi.

🟠 Uchinchi muammo: Mahalla ichki ko‘chalaridan katta yuk avtomobillari qatnovi natijasida yo‘l qoplamalari buzilib, ta’mirtalab holatga kelayotgani bo‘yicha fuqarolar murojaat bildirdi.

✅ Deputat tomonidan aholi murojaatlarini o‘rganish, mas’ul tashkilotlar bilan hamkorlikda muammolarni hal etish bo‘yicha tegishli choralar ko‘rish hamda saylovchilar bilan muntazam muloqot olib borish ishlari davom ettirilishi ta’kidlandi.