📌 SESSIYA KUN TARTIBIDAGI MASALA JOYIGA CHIQIB O‘RGANILDI

Xalq deputatlari Qo‘shko‘pir tuman Kengashining navbatdagi sessiyasi kun tartibiga kiritilgan masala yuzasidan joyiga chiqib o‘rganish ishlari amalga oshirildi.

Mazkur o‘rganishda Xalq deputatlari Qo‘shko‘pir tuman Kengashi deputati N. Bobojonova hamda tuman Kengashi kotibiyati bosh mutaxassisi ishtirok etdi. Ular Xayrobod mahallasi hududida joylashgan 20-son umumiy o‘rta ta’lim maktabida bo‘lib, 2026–2027-o‘quv yilining kuz-qish mavsumiga tayyorgarlik ishlari holatini atroflicha tahlil qildi.

O‘rganish jarayonida ta’lim muassasasining kuz-qish mavsumini uyushqoqlik bilan o‘tkazishga tayyorgarligi, moddiy-texnik bazasi, isitish tizimi, infratuzilma holati hamda amalga oshirilgan qurilish-ta’mirlash ishlari yuzasidan mas’ullarning axborotlari tinglandi.

Shuningdek, aniqlangan holatlar bo‘yicha tegishli taklif va tavsiyalar ishlab chiqilib, mavjud kamchiliklarni qisqa muddatlarda bartaraf etish hamda ta’lim muassasasini yangi o‘quv yiliga to‘liq tayyor holga keltirish yuzasidan mas’ullarga tegishli tavsiyalar berildi.

Bunday joyiga chiqib o‘rganish ishlari xalq deputatlari mahalliy Kengashlari tomonidan hududlarda amalga oshirilayotgan islohotlar ijrosi ustidan deputatlik nazoratini kuchaytirish, ta’lim tizimida yaratilayotgan shart-sharoitlarni yanada yaxshilash hamda aholi manfaatlarini ta’minlashga xizmat qiladi.