🌸 Xotin-qizlar muammolari o‘rganildi

🏡 Xalq deputatlari Sherobod tumani Kengashining 14-Yoshlik–Nurtepa saylov okrugi deputati N.Himmatova hamda Sherobod tumani Oila va xotin-qizlar bo‘limi boshlig‘i G.Aminova hamkorligida hududdagi xotin-qizlar bilan ochiq muloqot tashkil etildi.

🤝 Uchrashuv davomida xotin-qizlarni qiynayotgan ijtimoiy, huquqiy, bandlik, oilaviy va boshqa dolzarb masalalar atroflicha muhokama qilindi. Fuqarolar tomonidan bildirilgan murojaat va takliflar tinglanib, ularning yechimi yuzasidan tegishli tavsiyalar berildi hamda mas'ul tashkilotlar bilan hamkorlikda amaliy choralar belgilandi.

✨ Bunday uchrashuvlar aholining murojaatlarini o‘z vaqtida o‘rganish, xotin-qizlarni har tomonlama qo‘llab-quvvatlash va ularning muammolariga yechim topishda muhim ahamiyat kasb etadi.