“KO‘CHAMA-KO‘CHA DEPUTAT DAFTARI” — MUAMMOLARNI MANZILLI O‘RGANISHNING AMALIY TIZIMI

📍 Xalq deputatlari Olmazor tumani Kengashi deputati To‘rabek Nazarov tomonidan "Ibrohim ota" MFY yettiligi vakillari ishtirokida yig‘ilish o‘tkazildi. Yig‘ilish davomida deputatlar tomonidan hududlarda o‘rganishlar olib borishda foydalanish uchun ishlab chiqilgan “Ko‘chama-ko‘cha deputat daftari” amaliyotini joriy etish masalasi haqida ma’lumot berildi.

📋 Mazkur amaliyot orqali hududdagi mavjud muammolarni manzilli va tizimli ravishda qayd etish, ularning ijrosini nazorat qilish hamda tegishli tashkilotlar bilan hamkorlikda yechim topish imkoniyati yaratiladi.

🔎 Jumladan, daftar orqali:
🔹 ichki yo‘llarning holati;
🔹 kommunal xizmatlar sifati;
🔹 boshqaruv kompaniyalari faoliyati;
🔹 ijtimoiy obyektlarning holati;
🔹 mahalla “yettiligi” faoliyati;
🔹 fuqarolarning murojaat va takliflari
manzilli qayd etib boriladi.

🤝 Ushbu amaliyot deputatlarning saylovchilar bilan ochiq va muntazam muloqotini kuchaytirish, hududdagi muammolarni joyiga chiqqan holda o‘rganish va ularni amaliy hal etishga qaratilgan.

📌 “Ko‘chama-ko‘cha deputat daftari” — har bir murojaat va muammoni manzilli o‘rganish, nazoratga olish va natijadorlikni ta’minlashga xizmat qiladi.


⚡️ Bizni ijtimoiy tarmoqlarda kuzatib boring!