Xalq deputatlari Sardoba tumani Kengashi kotibiyati bosh mutaxassisi L.Toshquvvatov hamda tuman Kengashi deputatlari A.Muhammadiyev va S.Abduvaliyevalar tomonidan xotin-qizlar tomonidan tayyorlanayotgan qo‘l mehnati mahsulotlari bilan yaqindan tanishildi.
Tashrif davomida mahalladagi xotin-qizlarning hunarmandchilik, tikish-bichish, kashtachilik va boshqa qo‘l mehnati orqali tayyorlayotgan mahsulotlari ko‘zdan kechirilib, ularning mehnati va tashabbuskorligi yuqori baholandi.
Mazkur faoliyat nafaqat oilaviy daromadni oshirish, balki milliy an’analarni asrab-avaylash va kelajak avlodga yetkazishda ham muhim ahamiyat kasb etishi ta’kidlandi.
Suhbat jarayonida xotin-qizlarning bandligini ta’minlash, ularning tadbirkorlik va hunarmandchilik sohasidagi imkoniyatlarini kengaytirish, mahsulotlarni bozorga chiqarish hamda realizatsiya qilish masalalari muhokama qilindi.
Shuningdek, qo‘l mehnati bilan shug‘ullanuvchi xotin-qizlarni har tomonlama qo‘llab-quvvatlash, ular uchun qulay shart-sharoitlar yaratish bo‘yicha takliflar bildirildi.
Ta’kidlanganidek, xotin-qizlarning mehnatsevarligi va ijodkorligini rag‘batlantirish, ularning iqtisodiy faolligini oshirish hamda oila farovonligini mustahkamlashga qaratilgan ishlar kelgusida ham izchil davom ettiriladi.
Bu borada deputatlik korpusi tomonidan amaliy ko‘mak va doimiy e’tibor ta’minlanishi qayd etildi.