Endi Machayga yanada ravon yo‘llar orqali boriladi

✔️ Boysun tumanining O'rta Machay, Yuqori Machay va Qizilnavr mahallalariga olib boruvchi avtomobil yo‘llarida ta'mirlash va obodonlashtirish ishlari izchil davom etmoqda. Amalga oshirilayotgan bunyodkorlik ishlari natijasida ushbu yo‘nalishda harakatlanish yanada qulay va xavfsiz bo‘lib bormoqda.

✔️ Yo‘l infratuzilmasini yaxshilash nafaqat transport qatnovini yengillashtiradi, balki mahalla aholisining turmush sifatini oshirish, sayyohlik salohiyatini rivojlantirish hamda hududning iqtisodiy faolligini kuchaytirishga ham xizmat qiladi.

✔️ Xalq deputatlari tuman Kengashi kotibiyati bosh mutaxassisi F.Tursunqulovga biriktirilgan 25-Machay saylov okrugi deputati H.Eshonqulov tomonidan olib borilayotgan qurilish-ta'mirlash ishlari joyiga chiqib ko‘zdan kechirildi. Mas'ullarga ishlarni sifatli bajarish, belgilangan muddatlarda yakunlash hamda yo‘l harakati xavfsizligini ta'minlash yuzasidan tegishli tavsiyalar berildi.

✔️ Yurtimizda amalga oshirilayotgan bunyodkorlik ishlari tufayli mahallalar qiyofasi tobora o‘zgarib, aholi uchun yanada qulay va zamonaviy infratuzilma yaratilmoqda.