Xalq deputatlari Taxiatosh tumani Kengashiga Oʻzbekiston Ekologik partiyasidan saylangan deputat Aralbayeva Inkar Karlibayevna “Jayxun” MFYda hokim yordamchisi A.Kudaybergenov tomonidan kambag‘allikni qisqartirish va aholi bandligini ta’minlash borasida amalga oshirilayotgan ishlar samaradorligini o‘rgandi.

🤝 Dastlab hokim yordamchisi bilan amalga oshirilayotgan ishlar, hududda tadbirkorlikni rivojlantirish va fuqarolarni daromadli mehnatga jalb etish yuzasidan suhbat o‘tkazildi.

🏪 Shundan so‘ng yangidan tadbirkorlik faoliyatini boshlagan fuqaro K.Serimbetovning ish jarayoni joyiga chiqqan holda ko‘zdan kechirildi. Ta’kidlanishicha, hokim yordamchisi ko‘magida tadbirkorga o‘z savdo do‘konini tashkil etish uchun kredit ajratilishiga amaliy yordam ko‘rsatilgan.

📈 O‘rganish davomida bunday manzilli ko‘mak fuqarolarning o‘z biznesini yo‘lga qo‘yishi, yangi daromad manbalarini yaratishi va kambag‘allikni qisqartirishda muhim omil ekani qayd etildi.

🌱 Har bir qo‘llab-quvvatlangan tashabbus — yangi ish o‘rinlari, barqaror daromad va farovon hayot sari qo‘yilgan muhim qadamdir.