Xalq deputatlari Sardoba tumani Kengashi deputatlari G.Absatova va B.Bekmurodovlar tomonidan Yangiqishloq mahallasida mahalla yettiligi faoliyati bilan yaqindan tanishilib, amalga oshirilayotgan ishlar holati o‘rganildi.
O‘rganish davomida aholi murojaatlari bilan ishlash, ijtimoiy himoyaga muhtoj oilalarni qo‘llab-quvvatlash, bandlikni ta’minlash, yoshlar va xotin-qizlar muammolarini hal etish, huquqbuzarliklarning oldini olish hamda mahalladagi ijtimoiy muhitni sog‘lomlashtirish borasidagi ishlar tahlil qilindi.
Tahlillar natijasida ayrim yo‘nalishlarda amalga oshirilayotgan ishlar talab darajasida emasligi qayd etildi. Xususan, aholi muammolarini manzilli hal etish, murojaatlar ijrosini nazorat qilish, ijtimoiy daftarlarga kiritilgan fuqarolar bilan ishlash samaradorligini oshirish hamda mahalla yettiligi a’zolari o‘rtasidagi hamkorlikni yana-da kuchaytirish zarurligi ta’kidlandi.
Shuningdek, mahallada mavjud muammolarni o‘z vaqtida aniqlash va bartaraf etish, aholi bilan muloqotlarni tizimli tashkil qilish hamda profilaktik tadbirlar qamrovini kengaytirish yuzasidan mas’ullarga tegishli tavsiya va ko‘rsatmalar berildi.
O‘rganish yakunida mahalla yettiligi faoliyati samaradorligini oshirish, aniqlangan kamchiliklarni bartaraf etish va aholi roziligini ta’minlashga qaratilgan vazifalar belgilab olindi. Mazkur masala deputatlik nazoratiga olinib, belgilangan topshiriqlar ijrosi yuzasidan muntazam monitoring olib borilishi qayd etildi.