#deputat_axboroti #poytaxtdeputatlari #deputatlik_faoliyati

❗️ Xalq deputatlari Toshkent shahar Kengashi deputati Sadriddin Turabjonov 2026-yilning ikkinchi choragi bo‘yicha axborot berdi

🏛 Xalq deputatlari Toshkent shahar Kengashining Yashnobod tumani 50-"Istiqlol" saylov okrugi deputati Sadriddin Turabjonov tomonidan "Do‘stobod" mahallasida saylovchilar bilan ochiq axborot uchrashuvi o‘tkazildi. Unda Yashnobod tumani hokimligi mas’ul xodimlari, mahalla faollari, "mahalla yettiligi" vakillari hamda fuqarolar ishtirok etdi.

📝 Uchrashuv davomida deputat 2026-yilning ikkinchi choragi mobaynida amalga oshirilgan deputatlik faoliyati yuzasidan axborot berdi. Xususan, saylovchilar bilan muntazam ochiq muloqotlar olib borilgani, fuqarolar murojaatlari o‘rganilib, ularni hal etish yuzasidan tegishli tashkilotlar bilan hamkorlik yo‘lga qo‘yilgani, zarur hollarda mas’ul idoralarga deputatlik so‘rovlari yuborilib, ularning ijrosi deputatlik nazoratiga olingani ta’kidlandi.

📁 Shuningdek, deputat ikkinchi chorak davomida Xalq deputatlari Toshkent shahar Kengashi sessiyalari hamda tegishli doimiy komissiyalar faoliyatida faol ishtirok etganini qayd etdi. Sessiyalarda hududlarni kompleks rivojlantirish, mahalliy budjet mablag‘laridan samarali foydalanish, kommunal infratuzilmani takomillashtirish, sog‘liqni saqlash, yoshlar bandligini ta’minlash, jinoyatchilik profilaktikasi hamda boshqa dolzarb masalalar yuzasidan mas’ul rahbarlarning hisobot va axborotlari ko‘rib chiqilib, tegishli qarorlar qabul qilingani ta’kidlandi.

🔎 Axborot davomida saylov okrugida amalga oshirilgan o‘rganishlar natijasida mahalladagi yoshlar bandligini ta’minlash, aholiga sifatli tibbiy xizmat ko‘rsatish, ijtimoiy himoyaga muhtoj oilalarni qo‘llab-quvvatlash, ichki ko‘chalar holati, tungi yoritish tizimi, yo‘l harakati xavfsizligi, park va xiyobonlarni obodonlashtirish hamda boshqa ijtimoiy infratuzilma obyektlari holati yuzasidan monitoringlar olib borilgani, aniqlangan muammolar bo‘yicha mutasaddi tashkilotlar bilan hamkorlikda amaliy choralar ko‘rilayotgani haqida ma’lumot berildi.

💬 Ochiq muloqot davomida fuqarolar tomonidan ko‘p qavatli uylar oldidagi ichki yo‘llarni asfaltlash, qurigan daraxtlarni tartibga keltirish, ijtimoiy himoyaga muhtoj oilalarni qo‘llab-quvvatlash, hududni yanada obodonlashtirish hamda boshqa kommunal va ijtimoiy masalalar yuzasidan taklif va murojaatlar bildirildi. Har bir murojaat yuzasidan mas’ul tashkilotlar ishtirokida muhokamalar o‘tkazilib, ularni bosqichma-bosqich hal etish bo‘yicha tegishli vazifalar belgilandi.

✅ Yakunda deputat saylovchilar bilan ochiq va muntazam muloqotni davom ettirish, ko‘tarilgan masalalarni tegishli idoralar bilan hamkorlikda hal etish hamda ularning ijrosini doimiy deputatlik nazoratida olib borish ustuvor vazifa bo‘lib qolishini ta’kidladi.

📱 Telegram 📱 Instagram 📱 Facebook 📱 YouTube 🔎 E-kengash