Xalq deputatlari Chilonzor tumani Kengashining 2026-yil 7-iyuldagi III-22-66-14-204-K/26-son qarori bilan yoshlarni zamonaviy kasblar, raqamli texnologiyalar va sun’iy intellekt yo‘nalishlari bo‘yicha o‘qitish, ularning bilim va amaliy ko‘nikmalarini oshirish, zamonaviy mehnat bozori talablariga mos malakali kadrlar tayyorlash hamda bandligini ta’minlashga qaratilgan “Ustoz AI” loyihasi tasdiqlandi.

Loyiha doirasida ishtirokchilar sun’iy intellekt texnologiyalari, raqamli platformalardan samarali foydalanish, zamonaviy kasblar bo‘yicha amaliy bilim va ko‘nikmalarni egallash, shuningdek, o‘zini o‘zi band qilish va mehnat bozorida raqobatbardosh bo‘lish imkoniyatlarini kengaytirishga qaratilgan o‘quv mashg‘ulotlarida ishtirok etadilar.

Mazkur loyiha 2026-yil iyul–avgust oylarida amalga oshirilishi belgilangan.

Loyihaning ijrosi yuzasidan quyidagi tashkilotlar mas’ul etib belgilangan:
• Chilonzor tumani Maktabgacha va maktab ta’limi bo‘limi (F. Keldibekov);
• Chilonzor tumani Yoshlar ishlari bo‘limi (R. Hikmatillayev).

Mazkur tashabbus yoshlarning zamonaviy bilim va ko‘nikmalarini rivojlantirish, ularning bandligini ta’minlash hamda raqamli iqtisodiyot sharoitida malakali mutaxassislarni tayyorlashga xizmat qiladi.