Xalq deputatlari Shovot tumani Kengashining 20-Mahtumquli saylov okrugidan saylangan deputati Faxriddin Navro‘zov o‘z deputatlik okrugi hududida joylashgan Mahtumquli mahallasida saylovchilar bilan navbatdagi uchrashuvni o‘tkazdi.
Uchrashuvda deputat 2026-yilning II choragi davomida amalga oshirilgan ishlar yuzasidan saylovchilarga axborot berib, hududni ijtimoiy-iqtisodiy rivojlantirish, infratuzilmani yaxshilash, aholi bandligini ta’minlash hamda fuqarolar murojaatlarini hal etish borasida olib borilgan ishlar haqida batafsil ma’lumot berdi.
Muloqot davomida fuqarolar tomonidan bildirilgan taklif va murojaatlar tinglanib, ularni ijobiy hal etish yuzasidan mas’ul tashkilotlarga tegishli topshiriqlar berildi.
Bunday ochiq muloqotlar deputat va saylovchilar o‘rtasidagi hamkorlikni yanada mustahkamlash, hududdagi dolzarb masalalarni o‘z vaqtida hal etishda muhim ahamiyat kasb etadi.