Deputatlik nazorati doirasida Sherobod tumanida tizimli o‘rganishlar olib borildi

Xalq deputatlari Surxondaryo viloyati Kengashi deputatlari M.Narbasheva hamda R.Xolmirzayeva xalq deputatlari Sherobod tumani Kengashi kotibiyati mudiri O.Tursunov hamkorligida Oliy Majlis Senati Kengashining sayyor yig‘ilishida belgilangan topshiriqlar ijrosi yuzasidan Sherobod tumanida tizimli deputatlik nazorati o‘tkazildi.

O‘rganishlar davomida maktabgacha va maktab ta'limi, Inson ijtimoiy xizmatlar markazi, elektr tarmoqlari korxonasi, kambag‘allikni qisqartirish va bandlik hamda tuman hokimligi tizimida amalga oshirilayotgan ishlar tahlil qilinib, qator ijobiy natijalarga erishilgani qayd etildi.

Bandlik yo‘nalishida kasb-hunarga o‘qitilgan "Ijtimoiy reyestr"dagi fuqarolarning barchasi bandligi ta'minlangani, ularning bir qismi doimiy ishga joylashtirilgani, o‘zini o‘zi band qilgani hamda tadbirkorlik faoliyatini boshlagani aniqlandi. Hisobotlarda aks ettirilgan yangi ish o‘rinlari ham qayta o‘rganilib, ularning haqiqiyligi tasdiqlandi.

Shuningdek, mahallalardagi sug‘orish va infratuzilma bilan bog‘liq muammolar yuzasidan mas'ul tashkilotlar bilan hamkorlikda amaliy choralar belgilab olindi.

Deputatlik nazorati doirasida aniqlangan masalalar bo‘yicha tegishli tavsiyalar berilib, ularning ijrosi qat'iy nazoratga olindi.