Xalq deputatlari Bo‘stonliq tumani Kengashining 2026-yilga mo‘ljallangan Ish rejasiga muvofiq O‘zbekiston “Milliy-tiklanish” demokratik partiyasidan saylangan tuman deputat J.Abdixayomova tomonidan tumanning “Ma’rifat” mahallasiga biriktirilgan ijtimoiy xodim S.Ro‘zmetovaning aholini ijtimoiy qo‘llab-quvvatlash, ehtiyojmand oilalar muammolarini o‘rganish hamda manzilli ijtimoiy xizmatlar ko‘rsatish borasida amalga oshirayotgan ishlari joyiga chiqqan holda o‘rganildi.

🔺O‘rganish davomida ijtimoiy himoyaga muhtoj fuqarolar bilan ishlash tizimi, ularning murojaatlarini ko‘rib chiqish, ijtimoiy xizmatlarni tashkil etish, ehtiyojmand oilalarni qo‘llab-quvvatlash va davlat tomonidan belgilangan ijtimoiy yordam choralarining amalga oshirilishi yuzasidan amaliy ishlar tahlil qilindi.

🔺Shuningdek, deputat jarrohlik amaliyotiga muhtoj bo‘lgan fuqaro xonadoniga tashrif buyurib, uning salomatligi, davolanish jarayoni hamda mavjud muammolari bilan yaqindan tanishdi. Suhbat davomida fuqaroning murojaatlari tinglanib, jarrohlik amaliyotini tashkil etish, zarur tibbiy hujjatlarni rasmiylashtirish va tegishli tashkilotlar bilan hamkorlikda amaliy yordam ko‘rsatish masalalari muhokama qilindi.