"Dolzarb 90 kun" doirasida 3-sonli maktabda o'rganish ishlari olib borildi 

"Dolzarb 90 kun" amaliy chora-tadbirlari doirasida Xalq deputatlari Oltiariq tuman Kengashi kotibiyat mudiri A.
Yursunov, bosh mutaxassis A. Turg'unov hamda Yoshlar maslahat guruhi a'zolari tomonidan 3-sonli umumta'lim maktabida o'rganish ishlari amalga oshirildi. O'rganish davomida maktabda yoshlarning yozgi ta'til davrida bo'sh vaqtini mazmunli
tashkil etish bo'yicha yaratilgan sharoitlar, amalga oshirilayotgan ishlar hamda rejalashtirilgan tadbirlar bilan tanishildi. Muloqot
chog'ida o'quvchilarni sport, kitobxonlik, madaniy-ma'rifiy tadbirlar, axborot texnologiyalari, kasb-hunarga yo'naltiruvchi mashg'ulotlar va turli to'garaklarga faol jalb etishning ahamiyati alohida ta'kidlandi. Shu bilan birga, yoshlarning bo'sh vaqtini samarali tashkil etish orqali ularning iste'dod va salohiyatini ro'yobga chiqarish, vatanparvarlik ruhini mustahkamlash hamda
sog'lom turmush tarzini keng targ'ib etish yuzasidan takliflar bildirildi.