Deputat sayyor qabul o‘tkazdi

Xalq deputatlari Qo‘shko‘pir tuman Kengashi deputati Gulnora Abdullayeva O‘rta Qishloq mahallasida fuqarolar uchun navbatdagi sayyor qabul o‘tkazdi.
Qabul davomida aholi tomonidan bildirilgan murojaat, taklif va muammolar tinglanib, ularning yechimi yuzasidan tegishli mas’ullarga vazifalar belgilandi. Deputat fuqarolar bilan ochiq muloqot olib borib, hududni ijtimoiy-iqtisodiy rivojlantirish, aholi turmush farovonligini oshirish hamda mavjud muammolarni tizimli hal etish masalalariga alohida e’tibor qaratdi.
Sayyor qabul xalq bilan muloqotni mustahkamlash, fuqarolarning qonuniy manfaatlarini himoya qilish va ularning murojaatlarini o‘z vaqtida hal etishga xizmat qilmoqda.