Xalq deputatlari Parkent tumani Kengashiga 25-“Oydin” saylov okrugidan saylangan deputat Ismailov Qamariddin Abduraximovich tomonidan o‘zi saylangan hududdagi “Said ota” mahallasida joylashgan 56-sonli umumiy o‘rta ta’lim maktabi kutubxonasi faoliyati o‘rganildi.O‘rganish davomida maktab kutubxonasining mavjud holati, ish faoliyatining tashkil etilishi, kitobxonlar uchun yaratilgan shart-sharoitlar hamda o‘quvchilarga ko‘rsatilayotgan kutubxona xizmatlari bilan yaqindan tanishildi.Kutubxona xodimlari bilan muloqot davomida mavjud kitoblarning umumiy fondi,adabiyotlarning saqlanishi, kitobxonlar soni, o‘quvchilarning mutolaaga qiziqishi hamda kutubxona xizmatlari sifatini oshirish borasida amalga oshirilayotgan ishlar yuzasidan fikr almashildi.Shuningdek, kutubxonaning moddiy-texnik holati,mavjud imkoniyatlardan samarali foydalanish, o‘quvchilar uchun qulay va zamonaviy mutolaa muhitini yaratish masalalariga ham e’tibor qaratildi.Muloqot davomida muassasa xodimlarining muammolari,taklif va ehtiyojlari tinglandi.Bildirilgan masalalar yuzasidan fikr almashilib,ularni hal etish bo‘yicha tegishli tavsiyalar bildirildi.Ayniqsa, yoshlarning bo‘sh vaqtini mazmunli tashkil etish, ularning bilim va dunyoqarashini kengaytirish, kitobxonlik madaniyatini oshirish hamda mutolaaga bo‘lgan qiziqishini yanada kuchaytirishda maktab kutubxonalarining o‘rni muhim ekani ta’kidlandi.Shu nuqtayi nazardan, kutubxona faoliyatini yanada jonlantirish, o‘quvchilarni muntazam kitob o‘qishga jalb etish, turli kitobxonlik tadbirlarini ko‘paytirish va mavjud adabiyotlardan samarali foydalanishni yo‘lga qo‘yish bo‘yicha takliflar ilgari surildi.Yakunda deputat tomonidan kutubxona fondini yoshlar orasida qiziqish uyg‘otadigan zamonaviy adabiyotlar bilan ta’minlash zarurligi ta’kidlandi. Shu bilan birga, elektron kutubxona tizimini joriy etish, kitoblar hisobini raqamlashtirish hamda o‘quvchilarni kutubxonaga muntazam jalb etish bo‘yicha tizimli ishlarni yo‘lga qo‘yish yuzasidan tegishli tavsiya va takliflar bildirildi.