🏫 MAKTAB SPORT ZALI VA SPORT JIHOZLARI HOLATI O‘RGANILDI

Xalq deputatlari tuman Kengashi deputati, Kengash kotibiyati mudiri E. Mirzayev tomonidan Mahalliy Kengash deputati faoliyatining eng muhim yo‘nalishlari bo‘yicha TAVSIYALAR asosida “Shieli” OFYdagi 8-sonli umumta’lim maktabida o‘rganish ishlari olib borildi.

🔎 O‘rganish davomida maktabning sport zali, mavjud sport jihozlari va anjomlari, ularning yetarliligi hamda foydalanish uchun qay darajada qulay holatda ekani ko‘zdan kechirildi. Mazkur yo‘nalish mahalliy Kengash deputatlari faoliyatining muhim vazifalaridan biri bo‘lib, aholiga va, ayniqsa, yoshlar hamda o‘quvchilarga sport bilan shug‘ullanish uchun munosib sharoit yaratish masalalarini qamrab oladi.

⚽️ Shuningdek, sport zalida o‘quvchilarning jismoniy tarbiya mashg‘ulotlarini samarali tashkil etish imkoniyatlari, sport anjomlarining mavjudligi va ularning amaliy foydalanish holatiga e’tibor qaratildi.

👦👧 Yosh avlodning bo‘sh vaqtini mazmunli tashkil etish, ularni sportga keng jalb qilish, sog‘lom turmush tarzini shakllantirish hamda turli sport turlari bilan muntazam shug‘ullanishlari uchun zarur shart-sharoitlarni yaratish muhimligi qayd etildi.

📝 O‘rganish jarayonida maktab mas’ullari bilan mavjud holat yuzasidan fikr almashilib, sport zalidan samarali foydalanish, mavjud jihozlarni asrab-avaylash hamda zarur sport anjomlari bilan ta’minlash masalalari muhokama qilindi.

✅ Aniqlangan masalalar yuzasidan tegishli tavsiya va ko‘rsatmalar berilib, ularning ijrosini ta’minlash hamda o‘quvchilar uchun sport bilan shug‘ullanishga yanada qulay sharoitlar yaratish masalasi deputatlik nazoratiga olindi.

Deputatlik nazorati — yoshlar uchun munosib sharoit, sifatli ta’lim va sog‘lom kelajak kafolati!