Xalq deputatlari Zomin tuman Kengashi raisi D.Begmatova hamda Kengash kotibiyati mudiri tomonidan tuman hududidagi tashkilot va korxonalarda fuqarolar murojaatlari bilan ishlash bo‘yicha amalga oshirilayotgan ishlar o‘rganildi.

O‘rganish davomida fuqarolardan kelib tushayotgan murojaatlarni qabul qilish, ularni belgilangan tartibda ro‘yxatga olish, ko‘rib chiqish va mazmunan hal etish jarayonlari bilan tanishildi.

Shuningdek, murojaatlarda ko‘tarilayotgan masalalar, ularning ijrosi, fuqarolarga berilayotgan javoblarning asoslanganligi hamda murojaatlarni ko‘rib chiqish muddatlariga rioya etilishi yuzasidan tegishli tahlillar olib borildi.

Mas’ullarga fuqarolar murojaatlari bilan ishlashda qonunchilik talablariga qat’iy rioya etish, murojaatlarni o‘z vaqtida va sifatli ko‘rib chiqish, aholi bilan ochiq va samarali muloqotni yo‘lga qo‘yish bo‘yicha tegishli tavsiya va ko‘rsatmalar berildi.