Savdo majmuasining tantanali ochilish marosimida Oltinsoy tumani hokimi O. Mavlyanov, Xalq deputatlari Oltinsoy tuman Kengashi deputati Yu. Hakimov hamda Xalq deputatlari Surxondaryo viloyat Kengashi deputati A. Oripov ishtirok etib, ramziy tasmani kesish orqali majmuaning
faoliyatiga start berishdi. 

Ta’kidlanganidek, “Eco Bozor”ning ishga tushirilishi hudud savdo infratuzilmasini yanada rivojlantirish, aholiga ko‘rsatilayotgan xizmatlar sifatini oshirish bilan birga, yangi ish o‘rinlari yaratishda muhim omil bo‘lib xizmat qiladi. Shuningdek, mazkur majmua tadbirkorlik subyektlarini
qo‘llab-quvvatlash va ularning faoliyati uchun zarur shart-sharoitlarni kengaytirishga xizmat qiladi. 

Endilikda tuman aholisi zamonaviy talablar asosida barpo etilgan, barcha qulayliklarga ega bo‘lgan bozor xizmatlaridan foydalanish imkoniga ega bo‘ldi.