Xalq bilan muloqot va fuqarolar murojaatlarini o‘rganish deputatlik
faoliyatining bosh mezonidir. Shu maqsadda, 18-Taraqqiyot saylov okrugi
deputati B.Nuriddinov fuqarolardan kelib tushgan navbatdagi murojaat asosida
joyiga chiqib, mavjud holatni o‘rgandi.

O‘rganish jarayonida Oqtom MFY hududidan oqib o‘tuvchi Toshkanaldan yoshlar
uchun ajratilgan 6 gektar yer maydoniga suv boradigan quvur (truba) yopib
(betonlab) tashlangani aniqlandi.

Suv kelmasligi natijasida 6 gektar yer maydonidan foydalanish imkoniyati
cheklanmoqda;

Yoshlarning mehnat qilishi va daromad olishiga salbiy ta’sir ko‘rsatmoqda;

Mazkur holat fuqarolarning haqli e’tirozlariga sabab bo‘lmoqda.

Deputat B.Nuriddinov muammoni joyida tahlil qilib, yerning suv ta’minotini
tiklash bo‘yicha zarur choralar ko‘rilishini ta’kidladi. Mazkur holat yuzasidan
tegishli tashkilotlarga zudlik bilan deputatlik so‘rovi yuborilishi va ijrosi
qat’iy nazoratga olinishi ma’lum qilindi.