Zarbdor tuman Kengashi deputatlari tomonidan tuman Kambag‘allikni qisqartirish va bandlik bo‘limida “Aholi bandligi to‘g‘risida”gi Qonun ijrosi yuzasidan nazorat-tahlil tadbiri o‘tkazildi.

Mazkur masala navbatdagi sessiya kun tartibiga kiritilishi rejalashtirilganligi bois deputatlar tomonidan joyiga chiqib o‘rganish ishlari amalga oshirildi.

Nazorat-tahlil tadbirida Xalq deputatlari Zarbdor tuman Kengashi kotibiyat mudiri, deputat G.Xudoyarova, deputat M.Sarimova hamda Kengash kotibiyati bosh mutaxassislari S.Begmatov, H.To‘rayev ishtirok etib, hududda aholi bandligini ta’minlash, ishsizlikni kamaytirish va fuqarolarni ish bilan ta’minlash borasida amalga oshirilayotgan ishlar atroflicha tahlil qilindi.

Tadbir yakunida aniqlangan kamchiliklarni bartaraf etish hamda ish samaradorligini oshirish yuzasidan tegishli taklif va tavsiyalar ishlab chiqildi.