Xalq deputatlari Amudaryo tuman Kengashidagi O‘zLiDeP deputatlik guruhi a’zolari Y.Axmedov va M.Kazakov hamda Kengash kotibiyati xodimi B.Allabergenovlar 21-Choyko‘l saylov okrugi hududida joylashgan “Choyko‘l” ovul fuqarolar yig‘inida bo‘ldilar.

Deputatlar respublika ahamiyatidagi avtomobil yo‘lida yangidan barpo etilayotgan ko‘prik qurilishi jarayoni bilan yaqindan tanishib, deputatlik nazoratini amalga oshirdilar.

Safar davomida:
🔹 Qurilish ishlarining borishi, sifat darajasi va belgilangan me’yorlarga mosligi o‘rganildi;
🔹 Quruvchilar hamda mutaxassislar bilan suhbatlashilib, ularning taklif va ehtiyojlari tinglandi;
🔹 Inshootni o‘z vaqtida va sifatli topshirish bo‘yicha zaruriy tavsiyalar berildi.

Ushbu ko‘prikning foydalanishga topshirilishi hudud aholisi uchun qulay transport qatnovini ta'minlash hamda yo‘l harakati xavfsizligini oshirishda muhim ahamiyat kasb etadi.