Xalq deputatlari Ishtixon tuman Kengashi deputatlari N.Kiyamov va J.Mavlyanovlar tumandagi Toytuyoq mahalla fuqarolar yig‘ini Fayzobod, Toytuyoq, Oqqo‘rg‘on va Xo‘jaqo‘rg‘on qishloqlarida bo‘lib, aholini qiynab kelayotgan muammolarni o‘rgandi.

O‘rganish davomida hududlardagi simyog‘ochlar yaroqsiz holatga kelib qolganligi, ichimlik suvi tarmog‘ining ayrim joylarini ta’mirlash zaruriyati mavjudligi va ehtiyojmand oilalarga moddiy jihatdan yordam ko‘rsatish kabi masalalar aniqlandi. Aniqlangan masalalarni hal etish bo‘yicha mutasaddi idoralarga tegishli takliflar berildi. Shuningdek, fuqarolar bilan o‘tkazilgan uchrashuvlarda soliqlarni to‘lash, tomorqalardan samarali foydalanish hamda obodonlashtirish yuzasidan tavsiyalar berildi.