Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi ishchi guruhi tomonidan O‘zbekiston Respublikasi Vazirlar Mahkamasining 2025-yil 11-noyabrdagi 718-son qarori bilan tasdiqlangan *“O‘zbekiston Respublikasi Sog‘liqni saqlash vazirligi tizimidagi tibbiyot muassasalarida pulli xizmat ko‘rsatish tartibi to‘g‘risidagi nizom”*ning tumandagi ijrosi o‘rganilmoqda.
O‘rganish doirasida 9-son oilaviy poliklinika bosh vrachi bilan mazkur qaror talablari ijrosi yuzasidan suhbat o‘tkazildi.
Suhbat davomida poliklinikada pulli tibbiy xizmatlarni tashkil etish tartibi, xizmat turlari va tariflari, aholiga xizmatlar hamda ularning narxlari haqida ochiq ma’lumot berilishi, to‘lovlarni belgilangan tartibda qabul qilish va tushumlarni hisobga olish masalalari muhokama qilindi.
Shuningdek, bemorlarning huquq va qonuniy manfaatlarini ta’minlash, pulli va bepul tibbiy xizmatlarni aniq farqlash, shaffoflikni ta’minlash hamda korrupsiyaviy xavflarning oldini olishga alohida e’tibor qaratildi.