2026-yil 13-avgust kuni Xalq deputatlari Pastdarg‘om tumani Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasi ishchi guruhi tomonidan “Fuqarolar sog‘lig‘ini saqlash to‘g‘risida”gi Qonunning tumandagi ijrosi yuzasidan travmatologiya bo‘limida o‘rganish ishlari olib borildi.
O‘rganish davomida bo‘limda bemorlarga tibbiy yordam ko‘rsatish holati, davolanish uchun yaratilgan sharoitlar, tibbiy xizmatlarning sifati hamda qonun talablarining amaliy ijrosiga e’tibor qaratildi.
Shuningdek, bemorlarning huquq va qonuniy manfaatlarini ta’minlash, tibbiy xizmat ko‘rsatish jarayonida mavjud muammolarni aniqlash hamda ularni bartaraf etish masalalari o‘rganildi.
Aniqlangan holatlar yuzasidan mas’ullar bilan fikr almashilib, tibbiy xizmat sifatini yanada yaxshilash va fuqarolar uchun qulay sharoitlar yaratish bo‘yicha tegishli taklif va tavsiyalar bildirildi.